شاهد أحمد زاهر يضع شرطا للتصوير مع ابنته: محدش يلمسها
نفى النجم أحمد زاهر تدخله لمنع المعجبين من التقاط الصور التذكارية مع ابنته ليلى، وقال معلقا على أزمته الأخيرة مع معجب كان يصر على التقاط الصور مع الفنانة الجميلة، أنه لا يرفض تواصل ابنته مع محبيها، ولا يمانع التقاط الصور، ولكن ليس من حق المعجب أن يضع يده على ظهر ابنته.
زاهر رد على مقطع فيديو تم تداوله له عبر مواقع التواصل الاجتماعي وهو يحتد على أحد المعجبين المصرين على التقاط الصور التذكارية مع ابنته، وقال، فى تصريحات عبر مداخلة هاتفية لبرنامج “الحكاية” مع الإعلامى عمرو أديب: من حق الجمهور إنه يتصور معايا ومع بنتى علشان هما اللى عملونا فنانين، وعمري ما بكسف حد، ولكن مطلوب الاحترام يعني مينفعش حد يحط إيد على ضهرها قدامي وانا أسكت.
أضاف أحمد زاهر: أنا راجل بخاف على بنتى .. وأى أب فى الموقف ده كان ممكن يضرب الولد.. ولكن علشان أنا بمثل قدوة للناس فمينفعش حد يشوفنى بتصرف بالشكل ده، وده من عيوب الشهرة أني لازم أحسب عواقب كل تصرف وكل كلمة.
وتابع قائلا: بناتى خط أحمر.. وأنا عمرى ما هتكبر على حد، والجمهور له فضل عليا ولكن أنا همشى بجاردات ولا إيه؟!.
